![](https://blogger.googleusercontent.com/img/b/R29vZ2xl/AVvXsEhzswMSfZCJePDSk3WDETHeM5kcXv9GI-vBNDBz7ynDwBokwg6ofY7lAqxWZAb-fcK2aMnHlMbYVf1dBZON2EzhDOGDrEF2KH8eyfOBY_hXpzWIDu6AqC4zV-D0nOTmkTehd4Nl6EWpMBA/s320/islamic+art9.jpg)
ޅޮހީ
އެއްފަހަރެއްގައި ޢަބްދުލްމަލިކު ވަރަށް އަސަރުގަދަ ޚުތުބާއެއް ދެއްވިއެވެ. އެ ޚުތުބާ ދެއްވަމުން އަބްދުލްމަލިކު ކީރިތިކުރައްވާ ހާލު ﷲ ސުބުޙާނަހޫ ވަތަޢާލާގެ ކިބައިން ފާފަފުއްސެވުން އެދި ވަޑައިގެން ދަންނަވަމުން ދިޔައެވެ.
" އޭ ހައްދަވާ ބޮޑުކުރެއްވި އިލާހެވެ. މިއަޅާގެ ފާފަތައް ވަރަށްވެސް ގިނައެވެ. އެހެނެއްކަމަކު އެފާފަތަކުގެ ކުރިމަތީގައި އިބަﷲ ގެ ރަޙުމަތުގެ ކުޑަމިންވަރެއްވެސް ވަނީ އެޔަށްވުރެ މާ ގިނަވެ ފުޅާވެގެންނެވެ.
އޭ ﷲ އެވެ. އިބަﷲ ރަޙުމަތުގެ ކުޑަމިންވަރަކުން މިއަޅާގެ ގިނަ ފާފަތައް ފުއްސަވާންދޭވެ."
ދެން މިބަސްތަކުގެ ވާހަކަ ޙަސަނުލް ބަޞަރީގެ ކަންފަތްޕުޅަށް ފޯރުމާއެކު އެކަލޭގެފާނަށް ކުރި އަސަރެއްގެ ބޮޑުކަމުން ކީރިތިކުރައްވަން ފެއްޓެވިއެވެ. އަދި ވިދާޅުވިއެވެ.
" މީހަކު ބުނެފައިވާ އެއްވެސް ބަހެއް ރަނުގައި ކަނޑާނަގައި ލިޔަންޖެހޭނެ ނަމަ އެބަސްތަކަކީ، އެބަސްފުޅުތަކެވެ. "
މާނައަކީ މީހަކު ބުނެފައިވާ ބަހެއްގެ މޮޅުކަމުން ބަހެއް ރަނުގައި ކަނޑާ ނަގަންޖެހޭނެ ނަމަ ލިޔަންޖެހޭނީ އަބްދުލްމަލިކު ވިދާޅުވި އެބަސްފުޅުތަކެވެ.
ޢަބްދުލްމަލިކަކީ ޢުމަރުބިން ޢަބްދުލްއަޒީޒުގެ އަނބިކަނބަލުންގެ ބައްޕާފުޅެވެ.
ނިމުނީ
އަސްލު: އައްލުއުލުއު ވަލްމަންޘޫރު
0 Comments